I. តើការដាំសក់ DHI គឺជាអ្វី?
ការដាំសក់ដោយផ្ទាល់ (Direct Hair Transplantation - DHI) គឺជាបច្ចេកទេសដាំសក់ថ្មីបំផុតមួយ ដែលត្រូវបានអនុវត្តដោយប្រើវិធីសាស្ត្រដាំសក់ FUE រួមបញ្ចូលគ្នាជាមួយនឹងប៊ិចដាំសក់ DHI ឬប៊ិច CHOI ។ ការដាំសក់ DHI ប្រើប៊ិច CHOI ដើម្បីគ្រប់គ្រងនៃមុំ ជម្រៅ និងទិសដៅនៃឫសសក់នីមួយៗដែលបានដាំ។ បច្ចេកទេស DHI មិនចាំបាច់វះរន្ធជើងសក់ ពីព្រោះភ្នែកសក់យកដាំដែលយកចេញពីតំបន់យកឫសសក់ ត្រូវបានដាំដោយផ្ទាល់ទៅក្នុងតំបន់ដាំឫសសក់ដោយប្រើប៊ិចដាំសក់ CHOI។
គុណសម្បត្តិ
បច្ចេកទេសដាំសក់ DHI ផ្តល់នូវសម្ផស្សខាងក្រៅ និងដង់ស៊ីតេសក់ដ៏ធម្មជាតិបំផុត។
ការបន្សល់ស្លាកស្នាម និងហានិភ័យនៃការបង្កើតស្រការត្រូវបានចាត់ទុកថាតិចតួចបំផុតនៅក្នុងបច្ចេកទេស DHI ។
កាត់បន្ថយហានិភ័យបានច្រើននៃការហូរឈាមនៅកន្លែងដាំសក់។
ការប៉ះទង្គិចគឺតិចតួចចំពោះភ្នែកសក់យកដាំ អំឡុងពេលអនុវត្ត ហើយលទ្ធផលផ្ដល់ឱ្យគឺសក់មានសុខភាពល្អជាង។
ដោយសារដំណើរការជាសះស្បើយឡើងវិញក្នុងការដាំសក់ DHI មានភាពរហ័ស អតិថិជន អាចត្រលប់ទៅសកម្មភាពប្រចាំថ្ងៃវិញបានយ៉ាងឆាប់រហ័ស។
ករណីដ៏ល្អសម្រាប់ការដាំសក់ DHI
+ អ្នកដែលមានបញ្ហាសក់ជ្រុះ និងមានអាយុលើសពី ១៨ ឆ្នាំ។
+ មនុស្សដែលមានដង់ស៊ីតេសក់គ្រប់គ្រាន់។
+ អ្នកដែលត្រូវការដាំសក់ ចិញ្ចើម ពុកចង្ការ ឬពុកមាត់។
II. លក្ខណៈនៃវិធីសាស្រ្តដាំសក់ DHI (FUE) ។
- ម៉ូទ័រខួងមីក្រូ ឬកាំបិតដែកត្រូវបានប្រើប្រាស់។
- ភ្នែកសក់យកដាំដែលបានដកចេញ នៅពេលនោះនឹងត្រូវរក្សាទុកក្នុងសូលុយស្យុងពិសេស។
- ភ្នែកសក់យកដាំបន្ទាប់ពីត្រូវបានដកចេញនឹងត្រូវដាំដោយផ្ទាល់ទៅក្នុងតំបន់ដាំឫសសក់ ដូច្នេះកាត់បន្ថយពេលវេលានៃការវះកាត់ (ប៊ិច CHOI អាចនឹងប្រើប្រាស់)។
- អាចដាំ ៤៥-៦០ ឫសសក់ក្នុងមួយ cm2 ក្នុងការដាំសក់ DHI (FUE)។
- នៅក្នុងការដាំសក់ FUE ភ្នែកសក់យកដាំច្រើនបំផុតអាចមានចំនួនរហូតទៅដល់ ៤០០០ ឫស។
- ត្រូវតែកោរសក់ មុនពាលអនុវត្តការដាំសក់ FUE។ ប៉ន្តែការកោរសក់ ត្រូវតែកោរ នៅលើកតំបន់យកឫសសក់។
III. តើការដាំសក់ DHI ត្រូវបានអនុវត្តយ៉ាងដូចម្តេច?
ការដាំសក់ DHI ត្រូវបានអនុវត្តក្រោមការប្រើថ្នាំស្ពឹកនៅតំបន់ដាំសក់។ ការព្យាបាលត្រូវចំណាយពេល ៦ ទៅ ៨ ម៉ោងសម្រាប់ចំនួនឫសសក់ប្រហែល ៣០០០ឫស។
ជំហាននៃពិធីការដាំសក់ DHI
១. ការប្រឹក្សាយោបល់
វេជ្ជបណ្ឌិតឯកទេសភ្នែកសក់ នឹងកំណត់លក្ខណៈរបស់អតិថិជនម្នាក់ៗក្នុងអំឡុងពេលប្រឹក្សាយោបល់ ដោយពិចារណាពីមូលហេតុនៃការជ្រុះសក់ ប្រភេទនៃការជ្រុះសក់ លទ្ធភាពនៃការជ្រុះសក់ដែលអាចប្រសើរឡើងវិញនៅពេលខាងមុខ ប្រភេទសក់ (ក្រាស់ឬស្តើង) ការបំណងចង់បានរបស់អតិថិជន អាយុ ភេទ និងរោគសញ្ញា ជាដើម។
ក្នុងអំឡុងពេលប្រឹក្សាយោបល់ បន្ទាប់ជើងសក់នឹងត្រូវបានគូសដោយអាស្រ័យលើបន្ទាប់ជើងសក់ធម្មជាតិ និងការបំណងចង់បានរបស់អតិថិជន។ តំបន់ដាំឫសសក់ត្រូវបានកំណត់ដោយចំនួនភ្នែកសក់យកដាំ ដែលត្រូវការនៅក្នុងតំបន់និមួយៗ និងចំនួនភ្នែកសក់យកដាំដែលអាចដកប្រមូលបានពីតំបន់ដកយកឫសសក់។ អតិថិជន អាចឬមិនអាចទទួលសេវាកម្មដាំសក់ DHI អាស្រ័យលើកម្រិតនៃការជ្រុះសក់របស់អតិថិជន។
២. ការរៀបចំមុនពេលដាំសក់
ការធ្វើតេស្តមុនការវះកាត់សម្រាប់មេរោគអេដស៍ ជំងឺរលាកថ្លើមប្រភេទ B និងជំងឺរលាកថ្លើមប្រភេទ C ត្រូវបានធ្វើនៅដំណាក់កាលនេះ។ បន្ទាប់មកសក់របស់អតិថិជននឹងត្រូវបានកោរ។ ប៉ន្តែប្រសិនបើអតិថិជន ត្រូវការចំនួនភ្នែកសក់យកដាំតិច ការកោរសក់មិនចាំបាច់នោះទេ។ នៅពេលដែលការលាងសំអាតសម្លាប់មេរោគរួចស្រាច អតិថិជនត្រៀមខ្លួនសម្រាប់ការប្រើថ្នាំស្ពឹកនៅតំបន់ដាំសក់។
៣. ប្រើថ្នាំស្ពឹកនៅតំបន់ដាំសក់
គ្រូពេទ្យវះកាត់នឹងប្រើថ្នាំស្ពឹកនៅចំតំបន់យកឫសសក់ មុនពេលដកឫសសក់ចេញ។
៤. ប្រមូលឫសសក់
ឫសសក់ត្រូវបានដក់ចេញពីតំបន់ដកឬសសក់ ដោយប្រើម៉ូទ័រខួងមីក្រូ។
៥. បញ្ចូលឫសសក់ទៅក្នុងប៊ិច
ឫសសក់ត្រូវបានយកចេញពីសូលុយស្យុងពិសេសដែលជួយបង្កើនភាពរឹងមាំនៃឫសសក់ (ក្នុងជំហាននេះ ប្រសិនបើប្រើប៊ិចដាំសក់ CHOI ឫសសក់នឹងត្រូវបានដាក់បញ្ចូលទៅក្នុងប៊ិច។
ឫសសក់នឹងត្រូវបានដាក់ម្តងមួយៗទៅក្នុងប៊ិចដាំសក់ CHOI ។ ឫសសក់ត្រូវបានដាក់នៅខាងក្នុងចុងម្ជុលដោយមិនចាំបាច់ត្រូវការតង្គៀបឬចន្ទៀសដើម្បីយកឫសសក់នោះទេ។
៦. ដាំសក់ចូលទៅក្នុងស្បែកក្បាល
វេជ្ជបណ្ឌិតបង្កើត "តំបន់ដាំសក់" (site making) នៅលើស្បែកក្បាលនៅក្នុងតំបន់ដែលត្រូវបានរចនាឡើងសម្រាប់ការដាំសក់ដោយប្រើកាំបិត Sapphire ។ បច្ចេកទេសនេះជួយបង្កើនដង់ស៊ីតេសក់ បង្កើតភាពស្មើគ្នា ទិសដៅសក់ និងកម្រាស់ដ៏ល្អ។
បន្ទាប់មក ឫសសក់នីមួយៗត្រូវបានដាំយ៉ាងប្រុងប្រយ័ត្នទៅក្នុងកន្លែងដាំ ត្រូវបានបង្កើតជាមុនតាមលំដាប់តាមតំបន់។
អតិថិជនបុរសអាយុ ៤០ ឆ្នាំ មុននិងបន្ទាប់ពីការដាំសក់ដោយមនុស្សយន្ត។
៧. លទ្ធផលនៃការដាំសក់ DHI
ប្រសិនបើអ្នកមានការជ្រុះសក់នៅតំបន់ថ្ងាស់ ការដាំសក់ DHI (FUE) នឹងផ្តល់លទ្ធផលដ៏ល្អ។ វេជ្ជបណ្ឌិតរបស់អ្នកនឹងប្រឹក្សាយោបល់អំពីវិធីសាស្ត្រសមស្របបំផុតចម្ពស់អ្នក។
*លទ្ធផលទទួលបាននៅអាស្រ័យលើរាងកាយរបស់មនុស្សផ្សេងៗគ្នា។
សូមមើលបន្ថែម តារាងតម្លៃនៃការវះកាត់កែសម្ផស្ស
