ស្វែងយល់អំពីការពង្រីកដើមទ្រូងជាមួយនឹងការវះកាត់បើកចំហនៅមន្ទីរពេទ្យ Viet My ។.
អតិថិជនខ្មែរមកមន្ទីរពេទ្យកែសម្ផស្ស Viet My វះកាត់លើកខ្ទុងច្រមុះ - ពង្រីកដើមទ្រូង - បូមខ្លាញ់ក្បាលពោះ - ពង្រីកចង្
លើកដើមទ្រូងដោយស្នាបវះបើកនៅរង្វង់ជុំវិញក្បាលសុដន់ ត្រូវបានអនុវត្តដោយការវះកាត់តូចមួយដែលមានប្រវែងប្រហែល 2.5-3 សង់ទីម៉ែត្រនៅចំណុចប្រសព្វរវាង areola និងសុដន់ដែលនៅសល់។ បន្ទាប់មក វេជ្ជបណ្ឌិតនឹងប្រើបច្ចេកទេសដើម្បីបង្កើតកន្លែងទំនេរមួយ ហើយដាក់បញ្ចូលសុដន់.
សុដន់ដ៏ស្រស់ស្អាតរបស់មនុស្សស្រីផ្តល់ឱ្យរាងកាយរបស់អ្នកមានភាពទាក់ទាញ។ ក្រៅពីនេះ ទំហំ និងរូបរាងសុដន់ធ្វើឱ្យស្ត្រីបង្កើនភាពទាក់ទាញ និងមានភាពជឿជាក់។.
ដូចបណ្តាផ្នែកផ្សេងទៀតលើរាងកាយ សុដន់ប្រែប្រួលដោយសារកត្តាជាច្រើនយ៉ាងដូចជា៖ ហ្សែន ភាពចាស់ មានផ្ទៃពោះ និងបំបៅដោះ សម្រកទម្ងន់ និងផ្លាស់ប្តូរអ័រម៉ូន។ បណ្តាកត្តាទាំងនេះធ្វើឱ្យសុដន់ដ៏ស្រស់ស្អាតពីមុនរបស់អ្នកយារធ្លាក់ ជ្រាយ ជ្រីវជ្រួញ និងតូចទៅ។.
រចនាសម្ព័ន្ធរបស់ដើមទ្រូង៖.
ដើមទ្រូងត្រូវបានផ្សំឡើងដោយជាលិកាជាច្រើនប្រភេទដូចជា៖ ក្រពេញ ជាលិកាខ្លាញ់ ជាលិកាសរសៃ ហើយជាលិកាទាំងអស់នោះស្ថិតនៅលើសាច់ដុំធំនៃជញ្ជាំងទ្រូង។ ដើមទ្រូងរួមមានក្រពេញទឹកដោះ និងបំពង់នាំទឹកដោះ ត្រូវបានគ្របដណ្តប់ដោយជាលិកាខ្លាញ់ដែលផ្តល់រូបរាង និងភាពទន់ដល់សុដន់។ ភាពយឺតនៃស្បែករបស់អ្នកក៏អាចប៉ះពាល់ដល់រូបរាងសុដន់របស់អ្នកផងដែរ។.
ដូចដែលអ្នកបានដឹងហើយថាកត្តាមួយចំនួនដូចជាវ័យអាយុ និងមានផ្ទៃពោះអាចប៉ះពាល់ដល់ភាពយឺតនៃស្បែករបស់អ្នក ដែលបណ្តាលឱ្យមានការផ្លាស់ប្តូររូបរាងសុដន់របស់អ្នក។.
លើកដើមទ្រូងនឹងជួយឱ្យសុដន់ដែលតូច យារធ្លាក់ ជ្រាយ កាន់តែធំ អស់យារធ្លាក់ និងមូលជាងមុន។ វាមិនត្រឹមតែជួយស្ដារឡើងនូវគុណវិបត្តិពីមុនប៉ុណ្ណោះទេ វាថែមទាំងជួយបង្កើតឱ្យសុដន់បានស្អាតជាងមុនផងដែរ។.
ដំណើរការនៃការវះកាត់លើកដើមទ្រូងដោយស្នាវះបើកនៅរង្វង់ជុំវិញក្បាលសុដន់.
ដំណើរការនៃការ "វះកាត់លើកដើមទ្រូង" ចំណាយពេលជាមធ្យម ១-២ ម៉ោងអាស្រ័យលើបទពិសោធន៍របស់វេជ្ជបណ្ឌិត។ ដំណើរការនៃការប្រើថ្នាំសន្លប់ទាំងរាងកាយ ឬប្រើថ្នាំស្ពឹកក្នុងតំបន់វះកាត់គឺយោងទៅតាមការសម្រេចចិត្តរបស់វេជ្ជបណ្ឌិតវះកាត់។ ស្នាមវះនៅរង្វង់ជុំវិញក្បាលសុដន់ត្រូវបានវះក្បែររង្វង់ជុំវិញក្បាលសុដន់ ដូច្នេះនឹងបន្សល់ទុកស្លាកស្នាមនៅលើរង្វង់ជុំវិញក្បាលសុដន់ ។.
ភាគច្រើនស្ត្រីនៅអាស៊ីកើតមកគឺមានសុដន់តូច។ បច្ចុប្បន្នជាមួយនឹងវិធីសាស្ត្រលើកដើមទ្រូងបែបទំនើប មិនត្រឹមតែជួយឱ្យស្ត្រីដែលមានសុដន់តូច យារធ្លាក់ ក្លាយទៅជាស្រស់ស្អាតដូចពីមុនប៉ុណ្ណោះទេ ថែមទាំងជួយឱ្យអ្នកមានដើមទ្រូងធំមូលក្លំ និងស្រស់ស្អាតជាងមុន។ ជួយឱ្យអ្នកមានភាពសិចស៊ី ក្មេងជាងវ័យ ទាក់ទាញ និងមានភាពជឿជាក់ជាង។.
បណ្តាទីតាំងដាក់ថង់សុដន់ក្នុងការវះកាត់លើកដើមទ្រូងដោយស្នាមវះបើកនៅរង្វង់ជុំវិញក្បាលសុដន់.
ដូចដែលអ្នកបានដឹងហើយថាថង់សុដន់ត្រូវបានដាក់ក្នុងទីតាំងពីរដែលគេស្គាល់ថាជាវិធីសាស្ត្រដាក់ថង់សុដន់លើសាច់ដុំធំ (ក្រោមក្រពេញ) ឬ វិធីសាស្ត្រដាក់ថង់សុដន់ក្រោមសាច់ដុំ។ ក្នុងនោះ ថង់សុដន់ដែលដាក់នៅក្រោមសាច់ដុំផ្តល់នូវគុណសម្បត្តិជាច្រើន ព្រោះវាកាត់បន្ថយបានបាតុភូតលេចថង់ចេញពេលដាក់ថង់សុដន់នៅក្រោមក្រពេញ។.
ដាក់ថង់សុដន់លើសាច់ដុំធំ (ក្រោមក្រពេញ).
បច្ចេកទេសលើកដើមទ្រូងនេះគឺសាមញ្ញ មិនមានការឈឺចាប់ និងងាយស្រួលក្នុងការវះកាត់នៅត្រង់រង្វង់ជុំវិញក្បាលសុដន់ ប៉ុន្តែមានគុណវិបត្តិនោះគឺថង់សុដន់នឹងត្រូវលេចចេញនៅពេលក្រោយ (អាចទើស និងអាចមើលឃើញថង់)។.
- បន្ទាប់ពីធ្វើការវះស្បែកនៅត្រង់រង្វង់ជុំវិញក្បាលសុដន់ វេជ្ជបណ្ឌិតនឹងវះបំបែកស្បែកនិងជាលិកាខាងក្រោមស្បែក បន្ទាប់មកវះបន្តចូលទៅក្រពេញសុដន់និងបំបែកវាចេញ។ ប្រសិនបើដាក់ថង់សុដន់នៅខាងក្រោមក្រពេញ គ្រាន់តែបំបែកជាលិកាក្រពេញទឹកដោះ ហើយបង្កើតជាកន្លែងដាក់ថង់សុដន់។ ប្រវែងស្នាមវះគឺអាស្រ័យលើទំហំនៃថង់សុដន់ និងភាពល្អិតល្អន់របស់វេជ្ជបណ្ឌិតវះកាត់។ ដោយសារវិធីសាស្រ្តវះកាត់នៅរង្វង់ជុំវិញក្បាលសុដន់តម្រូវឱ្យមានការវះឆ្លងរង្វង់ជុំវិញក្បាលសុដន់ និងជាលិកាក្រពេញសុដន់ ហេតុនេះវាអាចបណ្តាលឱ្យបាត់បង់ទាំងពីរ។.
ចំពោះការដាក់ថង់សុដន់នៅក្រោមសាច់ដុំធំ (នៅក្រោមសាច់ដុំ)៖ កាត់បន្ថយបាតុភូតនៃការលេចចេញរបស់ថង់សុដន់នៅក្រោមក្រពេញ។.
- ក្រោយពេលវះស្បែកនៅរង្វង់ជុំវិញក្បាលសុដន់ វេជ្ជបណ្ឌិតនឹងធ្វើការវះកាត់ ហើយយកស្បែក និងជាលិការក្រោមស្បែកចេញទាំងអស់ បន្ទាប់មកបន្តធ្វើការវះកាត់តាមស្រទាប់ក្រពេញទឹកដោះ ក្រោយមកកាត់ស្រទាប់សាច់ដុំធំដែលបណ្តាលឱ្យហូរឈាមច្រើន ហើយបំបែកវាចេញ និងបង្កើតជាកន្លែងដាក់ថង់សុដន់ក្រោមសាច់ដុំ។ ដោយសារវិធីសាស្រ្តវះនៅរង្វង់ជុំវិញក្បាលសុដន់ដាក់ថង់នៅក្រោមសាច់ដុំត្រូវវះឆ្លងកាត់សាច់ដុំដើមទ្រូង ទើបបណ្តាលឱ្យមានការឈឺចាប់ខ្លាំងក្រោយពីធ្វើការវះកាត់រួច។.
ដូច្នេះហើយ ដើម្បីដាក់ថង់សុដន់នៅក្រោមសាច់ដុំ វេជ្ជបណ្ឌិតនៅលើពិភពលោកតែងតែអនុវត្តវាតាមរយៈការវះកាត់នៅក្លៀក ដើម្បីមិនចាំបាច់វះឆ្លងកាត់សាច់ដុំដើមទ្រូង ដូច្នេះវានឹងមិនសូវមានការឈឺចាប់ក្រោយការវះកាត់។.
បិទស្នាមវះនៃការវះកាត់លើកដើមទ្រូងដោយស្នាមវះបើកនៅរង្វង់ជុំវិញក្បាលសុដន់.
បណ្តាស្នាមវះនៅក្នុការវះកាត់លើកដើមទ្រូងដោយស្នាមវះបើកនៅរង្វង់ជុំវិញក្បាលសុដន់បានបិទភ្ជាប់ដោយអំបោះដេរ ហើយអំបោះដេរនឹងត្រូវបានកាត់ចេញក្រោយរយៈពេលពីប្រាំពីរទៅដប់ថ្ងៃ។ ស្លាកស្នាមដែលបង្កើតចេញពីការវះកាត់នឹងបាត់បន្តិចម្តងៗក្នុងរយៈពេលច្រើនខែ ប៉ុន្តែវាអាចចំណាយពេលដល់ទៅមួយឆ្នាំទើបអាចបាត់ទាំងស្រុង។.
មនុស្សមួយចំនួនអាចជួបប្រទះនូវស្លាកស្នាមមិនល្អ (មុន និងហើម...)។ ដូចគ្នានឹងការវះកាត់ណាមួយដែរ អ្នកនឹងជួបប្រទះការហើមខ្លះបន្ទាប់ពីការវះកាត់ពង្រីកសុដន់របស់អ្នក ហើយអ្នកអាចបាត់បង់អារម្មណ៍ជុំវិញក្បាលសុដន់របស់អ្នក ដែលអាចនឹងជាសះស្បើយក្នុងរយៈពេល 3-6 ខែ។ សុដន់ភាគច្រើននឹងហើម ហើយត្រឡប់ទៅធម្មតាវិញក្នុងរយៈពេលពីរបីថ្ងៃ ប៉ុន្តែក្នុងករណីខ្លះវាអាចចំណាយពេលច្រើនសប្តាហ៍។.
រុំដើមទ្រូងក្នុងការវះកាត់លើកដើមទ្រូងដោយស្នាមវះបើកនៅរង្វង់ជុំវិញក្បាលសុដន់.
វេជ្ជបណ្ឌិតនឹងណែនាំអ្នកឱ្យរុំសង្កាត់បន្ទាប់ពីការវះកាត់ "លើកដើមទ្រូងដោយស្នាមវះបើកនៅរង្វង់ជុំវិញក្បាលសុដន់"។ រុំសង្កាត់នេះនឹងជួយកាត់បន្ថយការហើម និងការពារការហូរឈាម ក៏ដូចជាផ្តល់នូវងាយស្រួល និងជំនួយឱ្យអ្នកពេលជាសះស្បើយ។ អ្នកអាចនឹងត្រូវពាក់រុំសង្កាត់នេះក្នុងរយៈពេលពីរបីសប្តាហ៍។.
លទ្ធផលក្រោយការវះកាត់លើកដើមទ្រូងដោយស្នាមវះបើកនៅរង្វង់ជុំវិញក្បាលសុដន់.
ភាគច្រើនអ្នកអាចត្រឡប់ទៅធ្វើការស្រាលវិញបានបន្ទាប់ពីបីទៅប្រាំពីរថ្ងៃក្រោយពីធ្វើការវះកាត់លើកដើមទ្រូងដោយស្នាមវះបើកនៅរង្វង់ជុំវិញក្បាលសុដន់។ ទោះជាយ៉ាងណាក៏ដោយ ប្រការដែលសំខាន់បំផុតកឺអ្នកគួតែជៀសវាងធ្វើការធ្ងន់ ឬលើកឡើងក្នុងរយៈពេល ៣ ទៅ ៤សប្តាហ៍ ព្រោះវាអាចប៉ះពាល់ដល់ការជាសះស្បើយ និងបណ្តាលឱ្យផ្លាស់ប្តូរទីតាំងថង់សុដន់។.
ទោះជាយ៉ាងណាក៏ដោយ លទ្ធផលដែលទទួលបានក្រោយពីការលើកដើមទ្រូងគឺបានយូអង្វែង សុដន់របស់អ្នកនឹងរក្សាបាននូវរូបរាង និងរូបភាពខាងក្រៅដែលអ្នកចង់បាន។.
បណ្តាប្រភេទថង់សុដន់ប្រើក្នុងការលើកដើមទ្រូងដោយស្នាបវះបើកនៅរង្វង់ជុំវិញក្បាលសុដន់.
ថង់សុដន់ជែលត្រូវបានប្រើយ៉ាងទូលំទូលាយ ហើយត្រូវបាន FDA ទទួលស្គាល់ក្នុងឆ្នាំ ២០០៦ ថង់សុដន់ជែលទាំងនេះត្រូវបានផលិតចេញពីសំបកស៊ីលីកូន ៣ស្រទាប់ ហើយត្រូវបានបំពេញដោយសារធាតុស៊ីលីកូន (ថង់ជែល)។ មិនមានភ័ស្តុតាងណាមួយដែលថាថង់សុដន់ដោយជែលបង្កើនហានិភ័យនៃជំងឺមហារីកសុដន់ ឬជំងឺអូតូអ៊ុយមីននោះទេ។.
ថង់សុដន់ទាំងឡាយមានភាពខុសគ្នាដោយ៖ រូបរាង ភាពគគ្រើម និងលយចេញ។ ថង់សុដន់អាចមានរូបរាងមូល ឬរាងតំណក់ទឹក ហើយអាចមានផ្ទៃរលោង ឬគគ្រើម។ កម្រិតលយចេញរបស់សុដន់អាចស្ថិតក្នុងកម្រិតមធ្យម ខ្ពស់ ឬទាប។.
ចុងក្រោយ ទំហំថង់សុដន់ប្រែប្រួលតាមចំណុះ។ ដូច្នេះជម្រើសថង់សុដល់ដើម្បីលើកដើមទ្រូង គឺអាស្រ័យលើរូបរាងរាងកាយខាងក្រៅរបស់អ្នក ទំហំសុដន់ ចំណង់ចិត្តរបស់អ្នក ហេតុនេះដោយបទពិសោធន៍របស់វេជ្ជបណ្ឌិតនឹងជួយអ្នកជ្រើសរើសប្រភេទថង់សុដន់សមស្រប។.
* លទ្ធផលដែលសម្រេចបានក៏អាស្រ័យលើរាងកាយរបស់មនុស្សម្នាក់ៗផងដែរ។.
